Z Chóśebuza/Cottbus. Edith Pjeńkowa z Rownego jo daloko a šyroko znata. Wóna mócnje wójujo wó to, aby jeje domacne strony wóstali, wobleka serbsku drastwu na demonstracijach pśeśiwo wugloju, a něnto źěła teke ako starša prezidentka Serbskego sejma. Wóna jo była srjodu tyźeń wósebny gósć Serbskego blida, kótarež jo stojało pód znamjenim Bramborskego tyźenja žeńskich a měło temu „Kak ta kuražěrowana rowniska žeńska cesnoamtski se zasajźujo za zdźaržanje slěpjańskich stronow!“