Z Picnja/Peitz. Towaristwo Serbski kulturny turizm (SKT) jo pónjeźele tyźeń we historiskej radnicy měło głownu zgromaźinu. Jogo pśedsedaŕ Pětr Brězan jo we bilancy wobspomnjeł tśi wjelike akcije: wulět z kólasom do slěpjańskich stronow, ekskursiju we wórjejskich (Hoyerswerder-) stronach a wopóznawański trip wokoło Budyšyna. Derje jo, až towaristwo dlej a wěcej rosćo: licba cłonkow jo za jadno lěto stupiła wó 15, na nagromadu 33! K nowym cłonkam słušaju Picański a Bórkojski amt, kaž teke Krabatowe towaristwo.
Stupa teke zjawna prezenca w nowych medijach: Tuchylu su wóni za jadno lěto dobyli na facebooku 2.300 pśijaśelow, a to jo wěcej ako pla drugich serbskich institucijow a medijow. Za internetowy bok a za interaktiwnu kórtu su wóni dobyli we sakskem wuběźowanju „Cyń sobu“ dwóje myto.