Sćo wěźeli, až region we wutšobje Sedymgrodskeje w Rumuńskej jo partnaŕski region kraja Bramborska? Kulturne ministaŕstwo kraja Bramborska jo togodla teke mjazy pódpěrarjami mjeńšynowego festiwala „ProEtnica“ (www.proetnica.ro) w měsće Sighişoara / Segesvár / Schäßburg, kenž lětosa k 18. razoju se wótmějo. Wót 26. až do 30. awgusta buźo ten festiwal, a paralelnje k tomu, wót 23. až do 30. awgusta, zarědujo se mjazynarodna lěśojska akademija k mjeńšynowym temam, kótaruž buźo teke lětosa zasej Měto Nowak wót kulturnego ministaŕstwa Bramborska ako docent sobu wugótowaś.