Su se informěrowali wó móžnosći spěchowanja

Awtor: Jill-Francis Ketlicojc stwórtk, 27. februar 2020
Ze Zaspow/Saspow. „Pótrjebnosć jadnanja jo pla nas wjelika“, jo wuzwignuł Armin Thiel, prědkstojaŕ Zaspow, slědny pětk na wobydlarskej zgromaźinje w zaspickem domje wognjoweje wobory. Wót togo lěta zarěduju how kuždy mjasec taku zgromaźinu, aby se wó tudskich problemach a móžnych rozwězanjach rozgranjali. Njejsu spokojom z tym, až pódpěra z Města felujo. Togodla kśě braś te wěcy sami do rukow a su se wó móžnosći spěchowanja informěrowali. Jo se raźiło, nakrotko hyšći Juliu Günzelowu, regionalnu managerku wót LAG Błośańske towaristwo z.t., na tu wobydlarsku zgromaźinu pšosyś. Wóna jo pśedstajiła spěchowańskej programa LEADER a GAK a jo rozkładła, kak ma stajenje pšosby wó spěchowanje za ten a wóny program wótběgnuś. Ze spěchowanim wót EU-programa LEADER jo se na pśikład zrealizěrowało wutwarjenje groźi w Kamjenje (Steinkirchen) ako kulturny centrum „Serbski burski dwór Kamjena“. Gaby Zaspy kśěli se wó take spěchowanje pilnowaś, by měli se na LAG Błośańske towaristwo z.t. wobrośiś.
artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś