W Žylowje jo to wšo z Witaj-projektom se zachopiło. How su měli w lěśe 1998 w źiśowni Mato Rizo prědnu kupku Witaj-źiśi, kótarymž jo wordowała dolnoserbska rěc pśez imersiju dalej dana. Na zakładnej šuli w Žylowje jo dejał projekt se dalej wjasć z Witaj-wucbu. Njejo pak lažko było, ceptaŕku za to namakaś. Rosemarie Frankowa z Gołynka, něnto južo wuměńkaŕka, jo była zwólna, to pśewześ. Ako pioněrka jo wóna k tomu pśipomogła, drogu za dalšnu Witaj-wucbu pśigótowaś. Lětosa w januarje jo wóna swój 80. narodny źeń měła – ku tej góźbje comy ju Wam pśedstajiś.