Archeolog Torben Schmeiduch, kenž wót junija 2018 ako muzeumowy pedagog w Dešnje za muzeumowy projekt pód gołym njebjom „Stary lud“ źěła, jo w ramiku nalětnego programa Šule za Dolnoserbsku rěc a kulturu tśi raze zajmny pśednosk źaržał. W Prožymje, Kalawje a Wětošowje jo informěrował wó archeologiji a stawiznach Słowjanow mjazy Łobjom a Odru wót 7. až do 12. stolěśa. Nowy Casnik jo w Kalawje pódla był, źož pśednosk jo se w Domje domowniskich stawiznow wótměł.