— we Hochozy/Drachhausen: Sobotu, 15. februara, buźo how młoźina camprowaś. Zeger 20:00 buźo reja w zmakanišću „Złoty plon“/„Goldener Drache“ z kupku „nAund“. Njeźelu, 16. februara, zmakaju se póriki zeger 12:00 w „Złotem plonje“/„Goldener Drache“ a wumaršěruju zeger 13:00 na 187. hochoski zapust. Wjacor grajo kupka „4 & eins“ w „Złotem plonje“. Pónjeźele, 17. februara, budu zasej camprowaś. Wjacor swěśe w „Złotem plonje“ z „DJ Tobi“.

— w Nowej Niwje/Neu Zauche: Tudy swěśe sobotu, 15. februara, 145. jubilejny zapust. Póry zmakaju se pśi kjarcmje „Zum Oberspreewald“ a wumaršěruju zeger 14:00. Zeger 19:00 buźo reja w kjarcmje z „Lutzketaler Blasmusikanten“ a 21:00 celebrěrujo młoźina polonejzu. Źeń do togo, 14. februara, buźo zeger 20:00 w kjarcmje „Zum Oberspreewald“ prědna zapustojska reja z kupku „nAund“.

— w Brjazynje/Briesen: Sobotu, 15. februara, swěśe how zapust muskich. Pó gromadnem kafejpiśu wumaršěruju póry zeger 16:00 z kjarcmy „Ballhaus“. Pó pśeśěgu se wrośiju wokoło zeger 18:00 do kjarcmy, źož wót zeger 19:00 jo reja z kupku Petera Glatza.