Pśipósłane

Wót Cazowa a Domaškojc sotšowu

Awtor: Mikławš Krawc z Budyšyna stwórtk, 13. februar 2020
Wobalka casopisa Towaristwa pśijaśelow Serbow „Česko-lužický věstník“ 5-6/2019 (z pśizwólenim redakcije)
We českem głownem měsće Praga źěłajuce Towaristwo pśijaśelow Serbow „Společnost přátel Lužice“ (SPL) wudawa něnto južo 29 lět casopis „Česko–lužický věstník“. We wudaśu 5/6 łońskego lěta jo na cełkownje wósym bokach bogaty material k temje „Do Cazowa na grožišćo abo Marjana Domaškojc, aku ju njeznajośo“. Pópšawem by dejało grono teke ned wó Lizy Domaškojc byś, jo ga na titelnem boku w dolnoserbskej a českej rěcy wózjawjona baseń „Zajtšne pśezpólohyśe“. Ceły artikel awtorki Zuzany Bláhoveje-Sklenářoveje jo bogaśe ilustrěrowany, mjazy drugim jo kšasne foto Marjany Domaškojc z lěta 1940, su dokumenty wó Cazowskem grožišću. We prědnem źělu pśedstaja awtorka wuznam sotšowu ze słowami, až jo Cazow „zbytk słowjańskego wobgroźenja ze 9. stolěśa a rodna wjas dolnoserbskeje ludoweje basnikaŕki a spisowaśelki Marjany Domaškojc a jeje z njepšawom zabyteje staršeje sotšy Lize“. Pó krótkej biografiji Marjany jo wózjawjony artikel „Stara hora w Cazowje a naša swójźba“. Awtorka Marjana jo jen prědny raz w Pratyji 1937 wózjawiła. Cytaŕ zgónijo wót chudego žywjenja Domaškojc swójźby.
artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś