28. decembra 2019, styri dny do swójogo 89. narodnego dnja, jo Jurij Grós w Budyšynje zamrěł. Ako funkcionaŕ Domowiny z lěta 1955, wót 1964 za 26 lět ako 1. sekretaŕ Zwězkowego pśedsedarstwa, Domowiny jo mócnje wobwliwował wuwiśe narodneje organizacije Serbow. Teke pó pśewrośenju 1990 njejo se ako wšaki drugi pjerwjej zagronity Serb z politiki slědk śěgnuł. Wót lěta 1993 jo był zasej na naraźenje Budyšyńskeje župy cłonk zwězkowego pśedsedaŕstwa. Hyšći ako 74-lětnego su jogo wuzwólili do změrcojskego wuběrka Domowiny. Hyšći pó tom jo se žedne lěta wobźělił na serbskich kulturnych zarědowanjach. Jogo manźelska Lizka jo jomu pśi tom była spušćobna partnaŕka.