Z Budyšyna/Bautzen. Kak se rozeznawa serbska drastwa wót mody? Na kaki part dajo se serbska drastwa wobchowaś? Móžomy jeje elementy do nowocasneje mody zaplasć? Take a druge pšašanja stajijo sebje woglědaŕ se rozglědujucy we wósebnej wustajeńcy „Sorbian Street Style“ Serbskego muzeja. Až do 1. měrca jo wóna tudy hyšći wiźeś. Wó jeje wopśimjeśach a nastupnosćach jo se Andreas Kirschke rozgranjał z kuratorku Andrea Paulikoweju.
Nowy Casnik: Kněni Pawlikowa, kak sćo pśišli na ideju za taku wustajeńcu?
Andrea Paulikowa: Comy ako Serbski muzej wótwórjone byś za nowe, zapśimujuce temy. Pśi tom powědamy ze wšakimi kupkami zajmow a starstwowymi kupkami. Njocomy jano reflektěrowaś, ale tež impulse dawaś. Drastwa a moda ako wjeleaspektowe temy góźe se k tomu.
Njejo to zwažny eksperiment?