Ze Šćeńca/Steinitz. Wótbagrowanje Šćeńca (źinsa měsćański źěl Drjowka) jo juž było rozsuźona wěc. Ale w slědnej minuśe jo se tomu hyšći zadorało. Pó politiskem pśewrośe su wuměnjenja se změnili, a zachopjeńk 90tych lět su Šćeńcanarje mógali dojśpiś, až jich wjas wóstanjo. Až how wo­pšawdu wjele dajo, což jo zeźaržanja gódne, jo se jasno wuwědobniło tym, kótarež su se prědnego januara na tradicionelnem nowolětnem drogowanju do Šćeńcańskich Alpow wobźělili.