Ze Žylowa/Sielow. Wokoło 100 Žylowarjow a Žylowaŕkow jo se zmakało 10. januara w sportaŕskem domje, źož jo se k drugemu razoju žylojska woklapnica wótměła. Bernd Rosumeck, pśedsedaŕ wejsneje pśirady, jo w běgu swójeje rozpšawy woblutował, až cowanje wót bergaŕskego doma w rumnosćach žylojskego gósćeńca (tam su pjerwjej swóju woklapnicu měli) njejo se dopołniło. Něgajšny gósćeńc se pśetwarijo, tam deje bydlenja nastaś. We swójej powšyknej bilancy jo Rosumeck k wěsći dał, až Žylow jo měł až 31. decembra łońskego lěta 3505 wobydlarjow a wobydlaŕkow, z tym 49 mjenjej ako łoni, lěcrownož 26 jo se naroźiło. Za 34 zamrětych Žylowarjow a Žylowaŕkow su minutu mjelcali. Pósćenja su zběrali za saněrowanje wójnaŕskego pomnika w Žylowje – 538 euro jo pśišło gromadu.
Wósebne tšojenja
zachadnego lěta