Z Lüchowa we Wendlanźe. Hyšci w nowemberu jo se tudy dokóńcowała drogujuca wustajeńca „Serbske cerkwje mjazy Lubijom a Luborazom“, pśigótowana wót Serbskego muzeja w Chóśebuzu. Pśi tej góźbje jo źěłowy krejz pśijaśelow Wendlanda pšosył na finisažu do cerkwje swěteje Agnješki w Lüchowje, źož su stojali te 17 toflow z wopisanim serbskich cerkwjow w łužyskich městach, źož wejsanarje a serbske měsćanarje su měli něga namše ze serbskim prjatkowanim.