Z Bórkow/Burg. Za starym nałogom su tudy wótźaržali woklapnicu na prědnej sobośe nowego lěta.

„Nowe wobsednikarje“ su se pśikupili: Steffen Rudsch z Brjazyny bydli něnto ze swójeju žeńskeju w Bórkowach, a wónej stej wułožyłej pjenjeze za piśa. Silvia a Bodo stej pósćiłej 100 euro źiśowni.

A teke zastupniki Błośańskeje banki su šćodre byli. Banka źěła južo wjele lět w Bórkowach, a wóna jo łoni prědny raz swój samski nowy chrom natwariła a jo stakim něnto wobsednikaŕka gruntow. Wušej togo su financěrowali nowy chrom za źiśownju „Błośańske lutki“. To dwóje twaŕske wugbanje stej wobspomnjełej šołtowka Ira Frack­mannowa a direktor amta Tobias Hentschel. K dalšnym twaŕskim nastupnosćam słušaju saněrowanje drogow a móstow, pórěźenje jawišća we jsy, wurědnjenje terena wokoło cerkwje a wótnowjenje chroma na kjarchobje.