Mjazy dolnoserbskimi aktiwnymi Domowinaŕkami a Domowinarjami jo wóna ako aktiwistka a pomogaŕka Serbow pśeliš derje znata: dr. Renate Harckowa. Pśi wšyknych tšojenjach a rozwězanjach, źož jo juristiske pśewóźenje trjebne, pomoga wóna ze swójimi myslenjami a dobreju radu... Na samem kóńcu starego lěta jo wóna swěśiła 65. narodny źeń, a pónjeźele, 6. januar, jo wjele luźi jej na gósćinje w bramborskem parlamenśe w Pódstupimje gluku žycyło. Mjazy nimi teke serbske luźe z Dolneje a Górneje Łužyce.
Pytaš-li luźi, kótarež su we slědnych lětach Serbam aktiwnje pśi boce stojali, ga dejš na kuždy part dr. Renate Harckowu wobspomnjeś. Wóna źěła njespektakularnje a sćicha a njenaběgujo pśi tom nikogo.