Z Kózlego/Casel. Jadnab 80 wobydlarjow – wót 300, ako we jsy bydle – jo pśišło sobotu wjacor do wjaže wognjoweje wobory na woklapnicu. Wóni su zgónili, co wejsna rada (prědkstojaŕka jsy Sabine Rescherowa, Margit Neugebauerowa a Ricardo Schwadtke), drjowkojski šołta Paul Köhne, a zastupniki wognjoweje wobory a towaristwow su měli jim wulicowanjeju.

Kózle ma we drjowkojskich stronach nejbogatše serbske žywjenje. To su pśedewšym nałogi: camprowanje, zapust, majski bom, jatšowny wogeń a jańske rejtowanje. Wušej togo swěśe we jsy swěźeń ku dnju žeńskich, žnjowny swěźeń a gódownicku za seniory.