Z Wětošowa/Vetschau. Mjazy Lubnjowom a Chóśebuzom dej definitiwnje pśiś druga kólej inklusiwnje wusoki milinowód. Togodla su pśed dwěma tyźenjoma zastupniki wót DB Netz AG tak ako wětošojski šołta Bengt Kanzler do bergaŕsgego amta we Wětošowje na informaciske zarědowanje pšosyli. Su wobźělnikam pśedstajili aktualny staw twarjeńskego planowanja.

Tema twarjenja drugeje kóleji na tej 29 km dłujkej, wót 1945 jadnokólejowej smuze jo se juž wót pór lět diskutěrowała. Mjaztym ten rozsud kraja Bramborska stoj.

Co jo planowane?

Projektowa wjednica za toś to dwójokólejowe wutwarjenje, Daniela Schäfer, jo rozkładła, až z drugeju kóleju dej se kapacita teke linije pówušyś. Dej byś městno za wěcej śěgow a z tym deje luźe na pótrjefjonej liniji móc cesćej, spušćobnjej a wěcej komfortabelnje do Barlinja abo do Chóśebuza dojěś. Spěšnosć wósobowych śěgow dej wucyniś 160 km/h. Pšosbu wó twarjeńske pšawo stajiju nejskerjej srjejź 2021, a zachopjeńk twarjenja buźo nejskerjej 2025. Pśed 2027 njebuźo druga kólej lažaś. Kosty za ceły projekt nejskerjej wucyniju mjazy 160 a 170 milinow euro.