Termalna wóda a para (pó słowaksku „bahno“) – to jo pópšawem to wjelike a nejwažnjejše bogatstwo w Pieštanach a to we wuskej kombinaciji wobeju. Rowno to wugótujo kuru w Pieštanach tak drogotnu a wužytnu. Wobej stej produkta cysteje natury. Wjele, wjele towzynt, jo, milionow lět jo pśejšło, nježli stej byłej wobej „gótowej“. Cłowjek njejo k tomu pśipomagał. Ně, to wšo jo natura sama naźěłała. A to głownje tam, źož jo ta pódlańska tšuga rěki Váh, źož ta wóda stoj, dokulaž jo wót głowneje rěki „wót-rězana“.