Ze Złego Komorowa/Senftenberg. Wokrejs Górne Błota–Łužyca ma nowu, głownoamtsku zagronitu za serbske nastupnosći. To jo Hanka Rjelcyna (35), doněnta źěłajuca ako grajaŕka w teateru w Złem Komorowje. Wokrejsny parlament jo ju do nowego amtu pówołał zachadny stwórtk na wobradowanju w Lauchhammeru. Z tym zrownju su wóni wótwołali doněntejšnu cesnoamtsku zagronitu Waltraud Ramotowu z Wětošowa, ako jo ten cesny amt 10 lět dłujko wugbała. Landrot Siegurd Heinze jo se jej za to zjawnje źěkował.