Z Chóśebuza/Cottbus. Helmut Kurjo z Blunja, dłujkolětny póbratš a organizator serbskich nałogow a kulturnego žywjenja we swójej jsy, jo był cesny gósć filmowego festiwala pśed tśimi tyźenjami. Jomu a serbskej kulturje Blunja a wokolnych jsow su pósćili wósebny filmowy wjacor we Weltspiegelu, źož su se pokazali tśi filmy: Wenn Jan und Lenka Hochzeit machen (1956, wót Hansa Güntera Kadena), Pobraška – der Hochzeitsbitter (1987, wót Michaela Börnera) Kurjos Hof (1997, wót Pětša Rochy).

Moderatorka Grit Lemkowa jo južo pśed pokazanim filmow publikumoju pśigranjała, až we filmach jo pokazane, kak serbska rěc a kultura w Blunju jo we slědnych 50 lětach zajšła. Wósebnje we tom slědnem filmje Kurjos Hof jo serbska historija Blunja „dospiwana“, ten film jo kaž slědne bóžemje k roztylahyśu. Snaź nje­trjebnje ­– pśez take pśedsuźenje su pśiglědarje wordowali do śěžkeje mysli starcone južo pjerwjej, nježlic su prědne sceny wiźeli.