Ze starych Casnikow

Dobra srědnosć, až kśebjat ma měr

Awtor: Gregor Wieczorek stwórtk, 14. nowember 2019

Z Bramborskego Serskego Casnika, No . 37 . stwórtk , ten 15 . september 1864

(Pśipósłane). Jaden źeń pśiźe k tomu gójcoju we N. N. jadna žeńska płakucy a skjaržy: Och, luby kněz, mój cłowjek doch jo tak wjelgin górniwy a napśiski a gaž ja jano jadno słowko gronim, ga mě wón ned bijo, až mój kśebjat jo módry. Ten gójc tu žeńsku derje znajašo a wěźešo, až wóna rowno pśece kśěšo to slědne słowko měś, a wótegroni togodla: Luba žeńska, tomu jo lažko pomoc, ale ty dejš nawłos to cyniś, což śi budu wukazaś a nikomu wót togo nic groniś. Wóna jo zlubi. Ten gójc źo do swójeje śpy, nalejo do flaški cukoroweje wódy, pśinjaso ju tej žeńsce a groni: Glědaj, mója luba, tak jěsno ak buźoš markowaś, až twój muž jo zły a co šćokaś, ga wzej jěsno cełu łžycu wót teje wóźicki, glich njepóžeraj jeje, ale wobchuj tak dłujko w gubje, až ten gniw twójogo muža wzejo kóńc a wón jo zasej dobry.

Tej žeńsce běšo taka wěc źiwna, ale dokulž ten gójc jej běšo tak twarźe pśikazał, ga se mysli: ja cu wopytaś, njebuźo-li pomoc, ga glich teke njamóžo škóźeś.

A toś wóno pomožo kšasnje.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś