Mila Zachariasowa z Kósobuza źěła wótněnta ako fachowa raźiśelka (Fachberaterin) za Witaj-kupki w Dolnej Łužycy. Wóna ma swój běrow na Barlinskej droze 6, a raźi 15 dolnołužyskim źiśownjam a hortam, kótarež su wobźělone na Witaj-projekśe. Jeje źěłowe město płaśi se z tych pjenjez, kótarež kraj Bramborska jo pśizwólił źiśownjam. Pśi góźbje woglěda ministaŕki za kubłanje Britty Ernstoweje do Bórkow (glej artikel na 1. boce) jo wóna se zastupnicam źiśownjow pśedstajiła. Casnik jo kśěł wěźeś, co take źěło na se ma, a co to konkretnje groni: wótkubłaŕki pódpěraś?