Twóŕba Sebastiana Elikowskego- Winklera jo měła prapremjeru

Awtor: Stefanie Krawcojc stwórtk, 07. nowember 2019

Z Barlinja/Berlin. Wjacor 28. oktobera jo „Studio Neue Musik“ wót „Deutscher Tonkünstlerverband Berlin e.V.“ grał koncert „Separate realms“. Koncert su wótměli w centralnej wobceŕkowej bibliotece „Marc Twain“ w Marzahn-Hellersdorfje.

Na koncerśe jo šesć twóŕbow měło prapremjeru. Mjazy nimi jo była nowa twóŕba „Bilder flucht“ serbskego komponista Sebastian Elikowski-Winkler. Cil tych skazanych twóŕbow jo był, zuk wěstych instrumentow ze spiwanim zwězaś a wunamakaś, kake móžnosći se wuwijaju, jo gronił Dr. Gabriel Iranyi. Wón jo wjednik togo rěda koncertow. Za ten koncert su mógali dobyś wuznamne muzikarje. To su byli Katharina Hanstedt na harfje, Enikő Ginzery na cimbalomje a Klaus Schöpp na flejśe. Spiwała jo sopranistka Ramina Abdulla-Zade.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś