Su Zechocam znicyli toflu

Awtor: Stefanie Krawcojc stwórtk, 07. nowember 2019
Zechoc Günter a Else doma w Miłorazu. Foto: A. Kirschke

Z Miłoraza/Mühlrose. „Zechoc“ bydle južo tśi generacije dłujko na swójom dwórje we jsy. To teke deje dalšne Zechoc generacije móc, mjeni Günther Zech (80): „To wšak jo to naša domownja“. W swójej zagrodce pśed domom jo stajił toflu z napismom:: „Kein Teilfeld Mühlrose! Keine Umsiedlung von Mühlrose! Keine 2. Störung der Totenruhe auf dem Friedhof! Erhalt der Straße nach Mühlrose! Rettet unser schönes Mühlrose!“ To njejo se wšym spó-dobało, w nocy do 22. oktobra su njeznate wótryli a wukšadnuli toflu. Tu wěc su Zechoc ned wuzjawili policaji. Günter Zech jo gronił našomu awtoroju až jo „perplex“. „We jsy mamy tofle, źož luźe se pominaju pśesedlenje jsy. Pśeśiwo tym toflam njejsom nic cynił, žednje. Togodla som wobtužony. Teke wejsny prědkstojaŕ, šołta a gmejna su šokěrowane.“ Zech co skóro nowu toflu stajiś, tym samym napismom ako na starej tofli. Dalej dej tam stojaś: „Wir wollen BLEIBEN. Meinungsfreiheit ist ein hohes Gut“. Wjele luźi jo groniło, až buźo něco ku tej nowej tofli pśidaś.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś