Dnja 10.10.2019 jo Rěcny centrum WITAJ pśewjadł „WITAJ-grajne wótpołdnjo“ w klubowni Dolnoserbskego internata. Za to stej pśigótowałej projektowa wobźěłaŕka Katrin Lehmannojc a rěcny pedagog Aleksander Draguła wšakorake towarišne graśa ako Pitwate myški, 10.000 abo Tam jo wužeńc nutśi, źož su sobugrajarje zapśimjeśa z pśirody, barwy a licby wuknuś a zwucowaś mógali. Toś to zarědowanje jo było pśedwiźone za źiśi, kótarež se wobźěluju na WITAJ-wucbje a jich starjejšych, kótarež serbsku rěc njewuměju a kśě, až źiśi wěcej spěchowańskich móžnosćow dostawaju. Dokulaž jo to był pilot-projekt, su wupytali nejpjerwjej ako cilowu kupku Chóśebuzoju nejbliše witaj-šule. RCW jo wabił w žylojskej a brazyńskej šuli, ale njejo nichten z toś teje ciloweje kupki pśišeł.

Weto njejo musało zarědowanje wupadnuś, dokulaž stej se dwě familiji z małymi źiśimi na njom wobźěliłej, kótarež maju doma a w źiśowni kontakt ze serbskeju rěcu.