Z Lipska/Leipzig. Na Instituśe za sorabistiku Lipšćańskeje uniwersity maju we nowem semesterje wósymjoch nowych studentow a jadnogo „pśedstudenta“ – mimo znaśow serbskeje rěcy –, kótaryž gótujo propedeutikum (to jo pśigótowanje na regularny studium). Dwa wót nich cotej studěrowaś mjeńšynowe rěcy, pěśo na ceptaŕske a jaden student na bachelora. Mjazy nimi jo jadna studentka z Dolneje Łužyce. To jo Šramojc Maja z Gołbina, kótaraž študěrujo na ceptaŕske za gymnazium. To jo nam k wěsći dał studijny koordinator Till Wojto pśi góźbje zachopjeńka nowego semestera.
Gromaźe z noweju studentku maju tam něnto źaseśoch študentow a študentkow z Dolneje Łužyce, ako studěruju sorabistiku, za wětšy źěł na ceptaŕske. Łoni jo jadna dalšna študentka z Dolneje Łužyce studium sorabistiki wótłamała.