Z Chóśebuza/Cottbus. Sobotu su se wótpósłańce Serbskego sejma zmakali w chóśebuskem Měsćańskem domje. Pšosył jo je chóśebuski wušy šołta Holger Kelch (CDU), a jo gronił až sejmarje njemuse za to zapłaśiś. Wónu su wšak wuzwólowanje za Serbski sejm financěrowali jano z pósćiwanjami a njedostanu žedne wurownanje za swóje wudanki (Aufwandsentschädigung). Rozmjej: Holger Kelch jo był cesny gósć na chóśebuskem pósejźenju a jo ako prědny to grono dostał wót staršeje prezidentki Edith Pjeńkoweje. Wón jo komentěrował wuzwólowanje do krajneju sejmowu w septembrje a gronił, až co Serbski sejm we kuždej formje sobu njasć a z nim gromadu źěłaś. Wón jo pśiraźił zgromadne fachowe wuběrki sejma a města, źož temy se k tomu makaju. Kelch jo teke raźił, aby wótpósłańce měsćańskego parlamenta a wótpósłańce Serbskego sejma woglědali jadne tym drugim na zgromaźiny. Wón gronił, až jomu jo wědobne, až ja tśěso te słupy, na kótarychž stoj serbske žywjenje, ale až co weto pšosyś zastupniki Serbskego sejma na zmakanja z drugimi serbskimi institucijami.