Pšosba wó pomoc

Chto ma fotografije a informacije wót Herrmannojc swójźby z Liškowa?

Awtor: Gregor Wieczorek stwórtk, 12. september 2019
Swajźbaŕska fotografija: Elisabeth Herrmanojc ženi se z Friedrichom Balzkom, 18. oktober 1919. Fośe: archiw Carstena Jacoba

Z Gubina jo k nam pśileśeła pšosba wó pomoc: Carsten Jacob (40) pyta informacije wót swójich serbskich prědownikow z Liškowa.

Wón slěźi za familiju swójeje stareje mamy tśeśego naroda (Urgroßmutter), kótaraž jo se pisała Elisabeth Balzke, roźona Herrmannojc (roź.1900, wumrěła 1967). Wóna jo se naroźiła a górjej rosła w Liškowje, na wjelikej burskej žywnosći. Wóna jo krotko pó swójej swajźbje we lěśe 1919 se pśesednuła do Gubina a te wězby z jeje jsu a swójźbu su se pó wěcej ako 50 lětach pó jeje smjerśi zryli. Dla togo ma kněz Jacob jano małko fotografijow wót jeje familije a dalšneje swójźby. Wón ma naźeju, až mjazy lazowarjami Casnika namakaju se luźe, kótarež wěcej wěźe a maju dalšne fotografije.

Ta Elisabeth jo była nejmłodša źowka Christiana Herrmanna (1861 – 1917) a Anny Herrmannoweje (1861 – 1929, roź. Batramojc). Wóna jo měła pěś staršych sotšow, to su byli Louise, Karoline, Emma a Marie (wšykne roźone Herrmanojc).

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś