Wót pětka, 23. awgusta, do njeźele, 25. awgusta, swěśi w Bórkowach zasej wjeliki swěźeń domownje a drastwow. Tam buźo mark rucnikarjow a markarjow, pyšny program za rozwjaselenje a wjele ludowych drastwow. Městno jo swěźeńske naměstno w Bórkowach. Swěźeń se zachopijo pětk, zeger 15:00 z wótpołdnjom seniorow. Wótpołdnjo budu mjazy drugimi źiśi wót Lipa-ansambla wustupiś. Wót zeger 16:00 wustupijotej Tina Söllner a rejowańska kupka bórkojskeje Domowinskeje młoźiny. Wót zeger 17:00 do 20:00 buźo program za źiśi, na kóńcu buźo pśeśěg z lampionami. Wjacor buźo program za dorosćone na jawišću, zeger 19:30 buźo dujaŕski koncert w cerkwi.

Sobotu zachopijo se swěźeń zeger 11:00. Wótpołdnjo buźo pyšny program. Pśi wustawadlišću (Am Spreehafen) zachopijo se zeger 21:00 program, a „Serbski kralojski pórik“ co pśepódaś ceptaŕ na swójeju naslědnikowu. Laser show buźo wjacor.