Z Chóśebuza/Cottbus. Njeźelu, 4. awgusta, su wobźělnice a wobźělniki familijowego swěźenja w Puškinowem parku w bogatej licbje wuraznili protest pśeśiwo mjaztym drugemu wustupoju pšawicaŕsko-nacionalnego durinskego AfD-šefa Björna Höckego w Chóśebuzu. Wón jo, ako teke bramborski krajny šef partaje Andreas Kalbitz, pśišeł na zarědowanje młoźinskeje organizacije wót AfD „Junge Alternative“ (JA), kótaraž jo se pśed měsćańskeju halu k wólbnemu wójowanju za wólby do krajnego sejma pórała.

Pó jano tśich tyźenjach jo AfD wótnowotki Chóśebuz ako platformu wužyła – pśeśiwo takemu zwužytkowanjeju jo zwězk #AppellvonCottbus drugi raz organizěrował protest w Puškinowem parku, aby pokazał, až Chóśebuz jo „pisane“ a wótwórjone město.