Planuju wobydlaŕski centrum

Awtor: Stefanie Krawcojc stwórtk, 27. junij 2019
How dej byś wobydlaŕski centrum, pokažo Norbert Kurz. Foto: S. K.
Ze Šejnejdy/Schönhöhe. We tej wjasce žyce se wobydlaŕski centrum za tych 50 wobydlari. Mjaztym su namakali městno: tuchylne grajnišćo za volleyball pśi góspoźe „Zum Hirschdenkmal“. Swěźenje a sportojske zarědowanja su pjerwjej swěśili w kubłańskem objekśe we jsy. Grunty su se pak pśedali na priwatnego luźa, ako njoco je dalej k dispoziciji stajiś. Grunty wokoło jsy su se pśedali, bźeze znaśa wejsneje zgromadnosći, stoj w koncepciji „Einwohnertreffpunkt Schönhöhe“ wót apryla 2019. Gaž w góspoźe „Zum Hirschdenkmal“ njejsu gósći byli, su se wejsanarje tam zmakali, abo doma pla luźi. Gódownicku su 2017 wence swěśili, pód lipu we jsy. Tak njejźo dalej, su se myslili Šejnejdarje. 2017 a su se woglědali wobydlaŕski centrum w Naseńcach (Wiesendorf, 60 wobydlari, słušaju ku Gołkojcam). Wejsna pśirada jo 2018 wobjadna była: Take zmakanišćo comy teke měś! Městno za to něnto jo, a naźeja, až pójźo doprědka z tym projektom. Norbert Kurz a Renate Pawlowa wót teje pśirady stej groniłej, až centrum dej byś zmakanišćo za wše generacije.
artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś