Z Chóśebuza/Cottbus. Kurs za dolnoserbsku rěc na niwowje A2 jo wótněnta pód adresu sprachkurs.sorbischlernen.de dermo pśistupny. Wón ma titel „Źiwnučki póbratš“ a wopśimjejo 522 nadawkow a 270 dalšnych zwucowanjow, kótarež wužywaŕ interneta móžo doma sam rozwězaś a pśi tom wuknuś.
We kursu A2 źo wó konkretne cynjenja a situacije, kótarež móžoš cesto we žywjenju trjebaś: drogowanje planowaś, rozgronjaś se z domownikom dla brachow w bydlenju, pšašaś se drugego, kak se jomu źo, wulicowaś wót chórosći, swěźeń pśigótowaś, terminy wucyniś, rozgrono ze źiśimi wjasć, gromaźe wariś a tak dalej. Pósporomje njelicnych dialogow dajo awtentiske teksty k słyšanjeju a cytanjeju, powěsći wó wjedrje a wó sporśe a ludowe spiwanja.