Kóńc tyźenja za serbske hobby-šlodaŕki

Awtor: Ines Neumannojc stwórtk, 20. junij 2019
Wót firmy Modespitze Plauen stej pśišłej do Kósobuza jadnaŕ Andreas Reinhardt a jogo žeńska. Sobotu a njeźelu stej pśedawałej a prezentěrowałej pla Zubiksojc swóje produkty. Se wě, až su tam teke lubowaŕki serbskeje drastwy mimo pśišli, aby to jadno abo druge namakali za cypjel, šorcu a co.

Chtož jo był slědnu njeźelu, 16. junija, na chóśebuskich Skótnych wikach, ten jo se źiwał. Cełe městno jo było wobstajane z wjelikimi stojnicami za sukna. Wjelicke blida pód kšywom su bitowali (hobby-)šlodaŕkam z města a cełego regiona wšykno, ako móžo se ten luź jano pśedstajiś. Wjelgin moderne sukna zwětšego, jersey wót bałmy až k neoprenoju. Wjelerakosći njejsu tam byli žedne granice stajone. Teke bublinki, pśitłocaški, cańki, pśěźeno a wšo móžne su byli na pśedań wót wšakich pśedawarjow.

A te kupowaŕki su pśišli we wjelikich kopicach. Hollandske wiki suknow su někotarym wót nich južo derje znate. Samo do Drježdźan su wšake we zajźonosći jěli, aby se tam wubrali rědne sukna za dobru płaśiznu.

To něnto njejo wěcej notne. Toś te wiki droguju w nalěśu a nazymjem pśez cełu Nimsku. A slědnu njeźelu su byli prědny raz w Chóśebuzu. Dla wjelikeje licby kupowarjow jo derje móžno, až zasej pśidu. Pó planje buźo to za lěto.

Wiźeś jo tam było teke wjele serbskich žeńskich, někotare samo w burksej drastwje. Druge su sebje kupili material za drastwu. Su měli wjelgin rědne sukna za bluzki a šorce.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś