Diese Seite drucken

Ta jadna sama katolska wejsna cerkwja Dolneje Łužyce stoj w Błobošojcach

Awtor: Jost Schmidtchen stwórtk, 30. maj 2019
Wurězk kórty Žagańskego kněstwa ze 17. stolěta. Na njej su namólowane jogo eksklawy w Dolnej Łužycy (zelene wobcerjenja). Ta nejdalej k pódwjacoru lažeca eksklawa wopśimjejo Błobošojce/Bloischdorf. Fośe: Jost Schmidtchen
Cerkwja nutśi z hołtarjom a prjatkaŕnju pó wobnowjenju.

Z Błobošojc/Bloischdorf. Pśed žednymi tyźenjami jo katolski zgórjelski biskup Wolfgang Ipolt wuswěśił tudsku cerkwju swětego Josepa, pó jeje saněrowanju. Błobošojska cerkwicka jo kradu wósebna: Wóna jo ta jadna sama katolska wejsna cerkwja w serbskej Dolnej Łužycy.

Natwarili su ju we 14. stolětu z pólnych kamjenjow a bryły (Rasen­eisenstein). A snaź jo wóna hyšći starša, ale to njejo kradu wopokazane. Stakim jo to nejstarša wejsna cerkwja we starem Grodkojskem krejzu. Wóna, kaž teke cerkwje w Bukowje (Groß Buckow), Jasenju (Jessen), Łojowje (Groß Luja), Syjku (Graustein), Tšadowje (Stradow) a Lěšćach (Hornow), su słušali pśed reformaciju do katolskeje parochije w Grodku.

artikel pógódnośiś
(0 )
Pšosym zalogujśo se, cośo-li komentar dodaś