Lube źiśi,
zasej som dostała dwa lista, z Błotow! Jaden jo z Wětošowa. Drugi list wopisujo majski swěźeń w Tšupcu.
*
Prědny list z Tšupca jo Wam napisał serbski pěsnikaŕ Pittkunings:
„Teke lětosa su w źiśowni ‚Spreewaldspatzen‘ na 30. jatšownem (aprylu) zasej majski bom stajali. K tomu su źiśi starjejšym a starkim mały program spiwow w nimskej a serbskej rěcy a Annemarie-polku pśedstajili.“
Drugi list cytaśo z Wětošowa:
„Pódla wjele serbskich jatšownych nałogow su wětošojske Witaj źiśi 1.-3. rědownje lětosa měli wósebny projekt. Projektoju gronje ‚akcija gelniškowych tejzkow (Brotbüchsenaktion)‘. Za to smy dostali wjelicne zelene tejzki wót Witaj-centruma (RCW). Ale z cym comy je napołniś? Co jě kužde góle rad ako fryštuku ?