Z Budyšyna/Bautzen. Serbski institut w Budyšynje jo mógał kupiś prědne śišćane górnoserbske knigły. Źo wó Mały katechizmus Mjertyna Luthera w pśełožku Hodźijskego fararja Wěcława Warichiusa (Hodźij jo Göda). Su wujšli 1595, w drugem nakłaźe 1597, we śišćaŕni Wolrabowych w Budyšynje. W slědnych pśisamem sto lětach njejo žedna z górnołužyskich bibliotekow toś to źěło wobsejźeła. Něnto jo se Serbskej centralnej bibliotece (SCB) pśi Serbskem instituśe Budyšyn zglucyło, z priwatneje ruki kupiś wudaśe z lěta 1597.