26. maja se wuzwólijo teke we wokrejsu SPN nowy wokrejsny sejm, a ten buźo wěsće tšochu hynac wuglědaś ako ten w legislaturnej perioźe 2014 do 2019. Na pósejźenju wokrejsnego sejma 10. apryla, ako jo było nejskerjej to slědne za něntejšny wokrejsny parlament, su krotko slědk glědali na slědnych 5 lět. Mjazy drugim jo se k wěsći dało, až su wobjadnli a wobzamknuli wušej 300 wšakich wažnych wobzamknjenjow za dalšne wuwiśe wokrejsa SPN. Kritizěrowali su, až jo było mjazy 50 cłonkami wokrejsnego sejma jano 6 žeńskich. To móžomy něnto z wólbami 26. maja k lěpšemu změniś, jo groniła Monika Schulz-Höpfnerowa, pśedsedaŕka wokrejsnego sejma (CDU).