Diese Seite drucken

Górna Łužyca: Wójowanje wó maminorěcnu kwalitu wucby

Awtor: Gregor Wieczorek stwórtk, 11. apryl 2019
Foto: Maćij Bulank, SN

Na zgromaźinje jo źaržał grono pśedsedaŕ kubłańskego wuběrka a župan wórjejskeje župy Marcel Brauman. W Górnej Łužycy, źož wjeliki źěł wuknikow pśiźo z maminorěcnych familijow, wobstoj starosć, až pśez pśeliš wjeliku źělbu njemaminorěcnych źiśi pśestanjo serbska rěc byś wobchadna (Umgangssprache). Ten tšach wobstoj samo we jich serbskich šulach, źož serbska rěc jo doněnta była mócna. Brauman jo se dowołał na słowa wjednika jadneje serbskeje šule, ak jo měnił: „75% maminorěcnych wuknikow jo minimum, aby njemaminorěcne źiśi integrěrowali mimo togo, aby nimska rěc serbsku rěc wustarkała. Howacej powědaju wšykne ze sobu nimske. To jo kaž kazń natury“.

artikel pógódnośiś
(0 )
Pšosym zalogujśo se, cośo-li komentar dodaś