PŠAŠATA RĚPA

Źeń na raka schórjonych źiśi

Awtor: Stefanie Krawcojc stwórtk, 21. februar 2019
© Elterninitiative für krebskranke Kinder e.V. Cottbus

Lube źiśi,

cesto Wam pišu wót luštnych wěcow. Swět ga jo rědny a pyšny. Bóžko njejo žywjenje jano radosć. Wótergi su teke źiśi chóre. Někotare źiśi su samo wjelgin chóre. Młoge maju raka. Dnja 15. februara se mysle na źiśi, ako chórjeju na raka. Dnju se groni „Źeń na raka schórjonych źiśi“. W lěśe 2003 jo se to jadna organizacija wumysliła.

Kužde lěto schórjejo 1.800 źiśi na raka w Nimskej. Gaž take źiśi zgóniju, až maju raka, zachopijo se śěžki cas. Naraz muse na terapiju. Terapija jo wjelgin napinajuca. Naraz jo cełe žywjenje hynakše. Źiśi se pšašaju: „Kak pójźo dalej? Musym šulske lěto wóspjetowaś? Mógu ja nadalej z drugimi ganjaś a graś? Zgubijom swóje pśijaśele, gaž jano lažym a som chóra? Gdy mógu zasej do šule?“ To njejo rědnje. Wótergi njamaju pśijaśele tych źiśi rozměśe. Togodla cu Wam pór wěcow rozkłasć:

– Gaž něcht raka ma, njama to z tym cyniś, až ten luź jo něco njepšawego cynił.

– Nicht njama winu, gaž schórjejo na raka.

– Jano wjelgin rědko jo rak derbna chórosć.

– Njepšawe zežywjenje njejo pśicyna za to, až něcht schórjejo na raka.

– Rak njejo pśimata chórosć.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś