Tuchylu se diskutěrujo na wšakich městnach zjawny list cerkwinego towaristwa. 1. februara jo pśedsedaŕ Spěchowańskego towaristwa za serbsku rěc w cerkwi z. t. Hartmut Leipner jen rozpósłał. Tema jo, až musymy nuznje něco za pśichod našeje rěcy cyniś. Gano ga su se wózjawili rezultaty ewaluacije Witaj-wucby. Tam jo fiksěrowane, až dajo wjele brachow a jasne jo, až muse procowanja wó rewitalizaciju pśibraś, gaž deje byś wuspěšne. Ale wó tom se tuchylu njepowěda, měni pśedsedarstwo togo towaristwa.
List jo napisany wót pśedsedaŕstwa towaristwa a měri se na wšykne. Cłonki towaristwa zwenka pśedsedarstwa njejsu byli zapśěgnjone. Hartmut Leipner jo Casnikoju napśeśiwo gronił, až źo we tom lisće zasadnje wó to, aby něco póstarcyli. List dej wubuźiś diskusiju. Detaile tam njejsu diskutěrowane, ale dej se něnto wó tom powědaś.
Nowy Casnik wózjawijo z tym ten list a pótom nagrono Hartmuta Leipnera na głownej zgromaźinje župy Dolna Łužyca.
Śicha tragedija na městnje?
Zjawny list pśedsedarstwa Spěchowańskego towaristwa za serbsku rěc w cerkwi z. t.