Nic grěšnika pytaś a na drugich z palcom pokazowaś, ale gromaźe a z jadnym głosom wót kubłańskego ministaŕstwa póžedaś, což we šulach za zdźaržanje serbskeje rěcy jo trjebne. K tomu jo delegatow nagranjał župan Wylem Janhoefer na głownej zgromaźinje dolnołužyskeje Domowiny pětk tyźeń w Bórkowach. Ryjnym rezultatam ewaluacije serbskeje wucby jo wón pósćił wósebny źěł swójeje rozpšawy (Bericht).