Lubowarje serbskeje muziki a muziki we cełem daś se wjasele nowym muzikaliskim lěbgodam. Marion Kwicojc z Lipska, serbska grafikaŕka a muzikaŕka, jo wudała kóńc starego lěta nowu CDeju swójeje band Kupazukow z titelom Do daliny / in die Ferne, mócnje inspirěrowanu wót srjejźowěkoweje muziki, baladow a tradicionelneje etnomuziki. 13 kusow se na njej namakajo..
Serbsku srjejźowěkowu źělbu reprezentěrujo wójnski kjarliž Padnjony pan, wót kótaregož se góda, až jo towzynt lět stary a jo stakim z casa, źož Łužyca njejo hyšći pód nimske kněžaŕstwo pśišła. Spiw wulicujo wót padnjonego pana (stare słowo za kněza), kótaryž jo wóstał we wójnje niźi za Dunajom – jogo towariše su jano jogo kónja slědk pśiwjadli.