Tofla „Zum Hofladen“ jo luźe kradu rozgóriła. Rozmjej: Cesto su turisty kśěli błośańske wósebnosći nakupowaś, a su slědowali dopokazkam ku tej dwórowej loźe. Gaž pak su stojali pśed źurjami, jo wšo zamknjone było. Napisane jo było „Zu verpachten“. Radušańske su se tomu źiwali a se pšašali, kak dej dalej hyś. To jo mjaztym jasne: Wšake wótnajmarje wobgóspodariju how swójske góspodarske wobłuki. Wóni kśě se zasej dowěru dobyś, wósebnje pla domorodnych. Stefan Przewozny se stara wó zapšawnu dwórowu lodu, a Matthias Kloss wó wobłuk lanowego wóleja. Gósćeńc a dwór z małymi zwěrjetami hyšći njejsu we wótpowědnych rukach.