Comy pśirucyś wustajeńcu zwenka Łužyce, w Barlinju. Tam jo w „Muzeumje za europske kultury“ tuchylu wustajeńca „Swajźbarske cowanja/Hochzeitsträume“. Pódla su objekty z cełego kontinenta, teke historiske foto serbskeje swajźby z lěta 1920. Pódla fota jo (ako pśirownanje) figurina nimskeje njewjesty z lěta 1916, we běłej sukni ze žyźanego tafta. Jeje nawóžeń jo we fraku. Na drugem boce jo bildowa serija wót slobraneje swajźby pšuskego krala Fryca Wylema IV. w lěśe 1848. Teke talaŕ a kana k slobranej swajźbje stej wustajonej.

Intresantne jo to pśirownanje objektow. Bergarske (nejžpjerwjej carne, pótom běłe) suknje za njewesty su wiźeś, kaž tež ludowe drastwy. Wjele kronow njewjestow z cełeje Europy jo wustajonych, ta nejimpozantnjejša ze Schwarzwalda. Hessenski nawóžeń jo (wótglědajucy wót kłobyka) cele pódobny na serbskego póbrašku (póbratša). Za wjele ludowych drastwow jo typiske, až jich źěle a banty pśitykaju z glickami na hawby, štałty abo kóšule. To jo wiźeś na wustajonych figurinach, ako su woblakli ako njewjesty.