Gano jo wujšeł nowy „Rozhlad“. Te wjelike pśinoski su zwětšego górnoserbske a tematizěruju imersiju w šulach, Serby w Ludowej komorje NDR a rozgrono z mólowarku Iris Brankačkoweju. Jubilarka wudaśa jo Wórša Lanzyna, wuměłcowka ga buźo 90 lět stara. Wětšy pśinosk na dolnoserbski jo „Łužyca ako inowatiwny region europskeje mjeńšynoweje politiki“. We njom wopisuju Hauke Bartels, Fabian Jacobs, Lutz Laschewski a Měto Nowak strukturnu změnu we Łužycy, ako we zjawnosći se naglěda jano ako góspodarski problem, źož pak teke šanse transformacije za Serbow su wiźeś.