Z Grodka/Spremberg. Za luźi, kótarež se za stawizny našogo regiona zajmuju, abo za historiju našogo luda, su archeologiske wurywanja pśecej zajmne. Ale nic jano za takich, gronimy raz dobrych luźi. Tak jo zgónił Nowy Casnik 8. awgusta wót archeologow, kótarež su wuryli ten tyźeń stare rowy w serbskem sedleńsekm rumje. „Mamy wjelicki tšach, až rubjažniki how wšykno wuryju, nježli až my smy zamóžne to cyniś“, jo gronił archeolog Morten Hegewisch wót FU w Barlinju. Dlatog jo wón pšosył Casnik, aby na kuždy part njepisał, źo te wurywanja su. Jano až su pla Grodka, na teritoriumje města we wejsnem źělu, tak wjele comy ga pśeraźiś.