„Łužyca“ – serbski magacin

Awtor: rbb srjoda, 15. awgust 2018

Sobotu, 18.08.2018, zeger 13:30 – 14:00, w rbb telewiziji

W awgustojskem wudaśu magacina Was wuwjeźomy do casa dowola a drogowanja. Moderator Christian Matthée jo ducy z wuknikojskeju firmu „Lutki-Tours“ wót Dolnoserbskego gymnaziuma, kótaraž póbitujo wósebne wandrowanja pśez „bajkowe“ Bórkowy a tak wabi woglědarjow Błotow na serbske slědy.

Dalšne temy magacina:

Rozpšawimy wó jězbje dolnoserbskeje wósady do Pólskeje. Raz wob lěto woglědaju dolnoserbske kśesćijany městnam, kótarež maju wjeliki wuznam za Dolnoserbow. Lětosa su se wudali na wulět do wokoliny wokoło Žarow, aby se rozchójźowali na slědach pśestajarja Nowego Testamenta do dolnoserbskeje rěcy - angažěrowanego protestanta Mikławša Jakubice.

– Teke naše „serbske koparje“ su byli ducy a to w Dańskej, źož su na wjelikem kulturnem a sportowem swěźenju w pódpołdnjowem Šleswigu grali pśeśiwo mustwoju tamneje nimskeje mjeńšyny. „Łužyca“ jo grajarjow pśewóźiła.

– Z nekrologom dopominamy na wuznamnego serbskego komponista Detlefa Kobjelu, kenž jo lětosa w maju wumrěł.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś