Pó akademiskem štormje

Awtor: Maks Bagańc srjoda, 15. awgust 2018
Wódychaś se - to ma za awtora tuchylu prědnu prioritu. Foto: priwat

Slědnu noc som z nosa kšawił. Gaby źinsa njedejał skóńcnje bachelorowe źěło zakóńcyś, by se starosćił. Nadpismo na titelowem łopjenje jo: „Wliw nimšćiny a górnoserbšćiny na casnikowu rěc 19. a 20. stolěśa“. Z temu som wupołnił 51 bokow, pśidank eksklusiwny.

Kake wójowanje, to njamógu wěriś! Namało to cełe zacuwam ako źiwne cowanje. Hyšći pśed lětom pśisamem njejsom wěrił, až budu studium sorabistiki we wustajonem studijnem casu zmejstrowaś. Ale to jo se mě raźiło a how něnto som. Mě se zda, až som akle w slědnem tyźenju zachopił z głownym źělom, telik póstupow som hyšći w běgu krotkeje chyle dojśpił.

Něnto pak źo ze mnu z góry dołoj. Som cełe zmachtany wót slědnych tyźenjow. Som pśedłujki cas jano ze mnu wobchadał. Mója głowa bóli wěcej a wěcej. Za mójim zdaśim nachylnje njejsom njedaloko był wót paranoje abo akademiskeje psychoze. Ale cas starosćow jo skóńcnje mimo.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś