Chóśebuz/Cottbus. Dolnoserbski gymnazium (DSG) jo pśišeł w slědnem casu do starosćow. Zawinu su měli plany kubłańskego minsitarstwa w Pódstupimje (MBJS) za nowe póstajenje za serbsku wucbu. Su ga kśěli, až musy kuždy wuknik až do abitury we dwěma pśedmjatoma bilingualnu fachowu wucbu měś. A pópšawem jo dejała ta wucba jadnorěcnje serbska byś. Wó to su se kradu starosćili někotare starjejše, wukniki a teke ceptarje.

Až su dostali za pśiduce šulske lěto kradu mało pśizjawjenjow za DSG, su w šuli do zwiska stajili z njejasnosćami a tšachami dla šulskego póstajenja. Někotare starjejše su teke grozyli, až pósćelu swóje ziśi na druge šule, gaž dej tak byś.