Zwězkowy prezident Frank-Walter Steinmeier w regionalnej bibliotece, pśi njom wjednica biblioteki a Centruma za wuknjenje Anette Kornekowa, ministarski prezident Bramborskeje Dietmar Woidke (SPD), slězy nich wušy šołta Holger Kelch (CDU). We bibliotece jo Steinmeier se wobźělił na wobydlarskem dialogu. Pśedewześarje, wucabniki, akademikarje a pśedsedarje towaristwow su měli góźbu, mimo casnikarjow se z prezidentom pórozgranjaś dla situacije w měsće. Nejpjerwjej pak jo wušy šołta pówitał cesnego gósća pśed měsćańskim domom. Prezident jo Chóśebuzarje tam napominał, aby se stajili jěrosći a njesolidarnosći we mjazsobnem wobchadanju w Nimskej. Pśi źurjach jo zagronita za serbske nastupnosći Anna Kósacojc-Kozelowa pówitała prezidenta na serbske. Foto: Michael Helbig